←

Kodigu Etika Jornalista

Kodigu Etika Jornalista iha Timor-Leste maka dokumentu ne'ebé gia atu jornaalista sira bele hala'o profisaun sira ho responsabilidade, integridade no respeitu ba direitu sira. Kódigu ne'e hala'o papel importante atu garante liberdade imprensa, verdade iha informasaun, no defende interese públiku.

Iha ne'e ema refere liuliu ba "Kódigu Deontolójiku Jurnalizmu Timor-Leste", ne'ebé aprovadu husi Conselho de Imprensa Timor-Leste (CITL).

Pontu Importante sira iha Kodigu Etika Jurnalista:

  1. Defende sidadaun nia direitu atu asesu ba informasaun no buka lialoos;
  2. Fo hatene faktu sira ho rigor, ezatidadun, honestidade no independensia no klarifika loloos diferensa entre notisia ho opiniaun;
  3. Kombate forma sensura hothotu no defende liberdade imprensa no liberdade espresaun;
  4. Sempre hetan informasaun, dokumentu no imajen sira ho forma legal no profissional, respeita kompromisu konfidensialidade ho fonte informasaun sira, hanesan off the record, pedidu konfidensialidade no embargo;
  5. Salvaguarda prezunsaun inosensia arguidu iha prosesu tribunal nia laran to’o hetan desizaun final hosi tribunal no respeita vitima krimi no nia familia sira nia identidade, ho kuidadu espesial atu husik nu'udar anonimato ba vitima krimi seksual no labarik sira nebe sai arguidu;
  6. Konfirma no verifika informasaun hothotu ne'ebe simu molok atu publika, rekoiñese informasaun sira nebe sala hafoin publikasaun no hadi’a lalais kedas, respeita sidadaun nia direitu atu hatan;
  7. Defende igualdade, la halo diskrimanasaun bazei aba rasa, etnia, fiar, dalen, estatu sosiuekonomiku, opsaun politiku, jeneru, seksu, defisiensia ka ho razaun seluk;
  8. Respeita sidadaun hothotu nia moris privadu, nia direitu ba onra, naran di’ak no privasidade, eseptu bainhira defeza ba interese publiku iha kauza;
  9. Rejeita forma plajiu hothotu no labele simu subornu ka oferta ruma nebe bele influensia independensia profesional. Identifika ho loloos fonte no autor hosi informasaun ne'ebe nia uza no klarifika ba publiku konaba informasaun sira ne'ebe nia hetan tanba hetan tulun finanseiru hosi ema ka entidade ruma;
  10. Evita publika liafuan, imajen, lian ne'ebe transmiti sadismu ka violensia hasoru ema ka balada ne'ebe iha natureza hakanek publiku nia sentimentu.